Գենետիկները ստեղծել են ուշ փչացող լոլիկներ. 1in.am

Նոթինգեմի համալսարանի գենետիկները լավագույն համով և երկար պահպանվող լոլիկ մշակելու մեթոդ են ստեղծել: Աշխատանքի արդյունքների մասին հոդվածը հրապարակված է Nature Biotechnology ամսագրում:

Հետազոտողներն առանձնացրել են այն գենը, որը կարևոր դեր է խաղում պտղի աճի և փափկության հարցում: Նրանք պարզել են, որ եթե այդ գենը անջատվի, ապա այն կփափկի ավելի դանդաղ, իսկ հասունացման ժամկետը կմնա նույնը:

Գյուղատնտեսական կորուստները նվազեցնելու համար ստեղծվում են հիբրիդներ, որոնց հասունացման գործընթացը դանդաղում է: Ընդ որում, պիտանելիության ժամկետի մեծացումը սովորաբար բացասաբար հետևանք է ունենում համի և գույնի վրա:

Լոլիկը համարվում է աշխարհում ամենաարժեքավոր պտղատու մշակույթներից մեկը: Սելեկցիոներները փորձում են ստանալ լոլիկի բարձր բերքատվությամբ, ավելի սննդարար և դիմացկուն տեսակներ:

Հարցեր, պատասխաններ, մեկնաբանություններ